Þeir fjúka víðar meirihlutarnir en í Reykjavík

Það er víðar á landinu þar sem það gerist að skipt er um meirihluta heldur en bara í Reykjavík. Í dag urðu meirihlutaskipti í sveitarstjórn Þingeyjarsveitar þegar einn sveitarstjórnarmaður af E-lista gekk formlega til liðs við J-lista í sveitarstjórninni. Í framhaldinu var kosinn nýr oddviti sem og varaoddviti.

Í Þingeyjarsveit hafa verið boðnir fram tveir framboðslistar, E og J listi og hefur E listi haft 4 menn í sveitarstjórn en J-listi 3. Í dag var síðan efsti maður á J-lista, Erlingur Teitsson kjörinn oddviti og varaoddviti var síðan kjörinn Haraldur Bóasson, er gekk frá E-lista yfir í J-lista. Þetta hefur svo sem legið í loftinu í dálítinn tíma í kringum viðræður sveitarfélaga á svæðinu um sameiningu en nú er þetta sem sagt orðinn hlutur.

Ásteitingarsteinninn sem verður þess valdandi að þessi skipti fara fram eru sameiningarmál sveitarfélaga en eins og ég hef áður skrifað um þá liggur það fyrir að Þingeyjarsveit og Aðaldælahreppur sameinist í sumar.

Svei mér þá.

Bloomberg sem varaforsetaefni?

Menn hafa verið að velta fyrir sér varaforsetaefnum frambjóðendanna í Bandaríkjunum undanfarið og hafa þar verið mjög svo lógísk nöfn á ferðinni. Allt saman vel rökstutt og skynsamlegt svo sem þar sem kostir og gallar eru sagðir og á köflum eru þessar hugrenningar orðnar meira spennandi en val framboðsefnanna sjálfra.

Í New York Times í dag skrifar Michael Bloomberg grein þar sem hann lýsir því yfir að hann ætli ekki að bjóða sig fram til forseta í haust. En það vakti athygli að hann sagðist í þessari grein ekki ætla að horfa aðgerðalaus á.

And while I have always said I am not running for president, the race is too important to sit on the sidelines, and so I have changed my mind in one area. If a candidate takes an independent, nonpartisan approach — and embraces practical solutions that challenge party orthodoxy — I’ll join others in helping that candidate win the White House

Það er nefnilega það. Og ég rakst á blogg þar sem þessi grein Bloombergs er krufin þónokkuð vel finnst mér og komist að þeirri niðurstöðu að það komi hreinlega vel til greina að Michael Bloomberg verði varaforsetaefni Obama í haust.

Það sem helst er talið því tvíeyki til tekna er að þá verði brennidepill kosningabaráttunnar á efnahagsmál en ekki stríðið í Írak og þar geti þeir félagar valtað yfir John McCain í haust.

Obama can wipe the floor with McCain on domestic issues, and has the eloquence to show people why a Democratic approach to those issues is needed now. With Bloomberg he can can argue for a financially responsible way to implement them, and can argue for a return to the relative fiscal responsibility of the Clinton years after eight years of Republican economic mismanagement

Athyglisverð kenning, eiginlega með þeim betri síðustu daga sem ég hef lesið.

Langt síðan ég hef verið svona ánægður með ráðningu

Ég er ákaflega ánægður með að heyra þær fréttir að María skuli hafa verið ráðin leikhússtjóri hjá LA. Hún hefur mikla og víðtæka reynslu og mikinn kraft þannig að ég held að hún sé kjörin í þann starfa að halda áfram með það góða starf sem verið hefur hjá LA undanfarin misseri.

Það er langt síðan maður hefur verið svona ánægður með ráðningu í starf held ég að ég geti sagt.

María leikhússtjóri á Akureyri

Kappræðurnar í gærkvöldi

Sigurvegarar og taparar í kappræðum þeirra Obama og Clinton í gær samkvæmt The Fix á Washington Post.

Sigurvegarar kappræðnanna voru Barack Obama fyrir að sigla framhjá öllum hættulegum skerjum í kappræðunum og búa ekki til neinar nýjar fréttir. Þar sem hann er "front runner" kosningabaráttunnar þá var þetta honum í hag þó þessar kappræður hafi verið hans slökustu þegar þau hafa bara verið tvö.

Næsti sigurvegari var Matt Drudge, sá sem er með heimasíðuna þar sem myndin af Obama í kuflinum birtist fyrst. Þvílík auglýsing fyrir vefsíðu.

Og síðasti sigurvegarinn er National Journal sem fær umfjöllun vegna þess að í því tímariti var Obama sagður frjálslyndasti öldungadeildarþingmaðurinn árið 2007 eins og ég hef áður sagt frá.

Taparar kvöldsins voru síðan einnar línu árásir Clintons á Obama sem féllu dauðar og létu hana líta frekar illa út í raun.

Síðan voru "ég ætla að ná þér" spurningar spyrils frekar daprar að mati The Fix en dæmi um þær er til dæmis spurningin sem Clinton fékk um hver yrði næsti forseti Rússlands. Hún hikstaði aðeins á henni en hafði samt af.

Ég er nokkuð sammála þessari greiningu eftir að hafa horft á megnið af þessu.

Enn er sveitarfélögum að fækka

Nú sýnist mér að sveitarfélögum landsins muni fækka um a.m.k. eitt í sumar þegar Þingeyjarsveit og Aðaldalur sameinast sem ég tel allar líkur á að verði. Nefnd um sameiningu þessara tveggja sveitarfélaga hefur skilað áliti sínu til sveitarstjórnar Þingeyjarsveitar og var það álit tekið til umræðu síðastliðinn fimmtudag.

Eftirfarandi eru tillögur samstarfshóps um sameiningu Aðaldælahrepps og Þingeyjarsveitar til sveitarstjórnanna:Samstarfshópur Aðaldælahrepps og Þingeyjarsveitar um sameiningu sveitarfélaganna leggur til við sveitarstjórnirnar að sveitarfélaögin verði sameinuð á grundvelli 91. gr. sveitarstjórnarlaga nr. 45/1998.Samstarfshópurinn leggur til að kjördagur verði 7. júní 2008.  Í sveitarstjórn sameinaðs sveitarfélags verði 7 aðalmenn og jafn margir til vara.  Ekki er lagt til að skipað verði byggðaráð.Kosið verði um nafn á nýtt sveitarfélag samhliða sveitarstjórnarkosningum.Samstarfshópurinn leggur til að skipuð verði nefnd til  að undirbúa sameingarferlið svo og leggja fram tillögur að nýju nafni.  Nefndin verði skipuð tveimur fulltrúum frá hvoru sveitarfélagi.

Ég reikna fastlega með að þetta verði samþykkt á næsta fundi þó svo að minnihluti sveitarstjórnar hafi bókað á aðra vegu og því verði til nýtt sveitarfélag í sumar.

Annars er það mín skoðun að sveitarfélög eigi að stækka og taka yfir fleiri verkefni af höndum ríkisins en þá þurfa auðvitað að fylgja tilhlíðandi tekjustofnar með svo hægt sé að takast á við málin.

Alveg á tæru

Er það þá ekki alveg komið á hreint að það má heldur ekki segja hvað sem er á netinu frekar en annars staðar?

Finnst þetta samt svona pínu hlaupið upp til handa og fóta, get ekki að því gert.

Menn mega nú ekki missa sig alveg og það er ágætt að minna af og til á það þó svo að stundum virðist manni þurfa að minna æði oft á það.

Hver ætlar að segja Hilary?

Þetta er heitið á grein eftir Robert Novak og er í Washington Post í dag. Þar segir hann að jafnvel áður en Obama vann prófkjörið í Wisconsin hafi gamlir framámenn í Demókrataflokknum verið farnir að spyrja sig þessarar spurningar.

Who will tell her that it's over, that she cannot win the presidential nomination and that the sooner she leaves the race, the more it will improve the party's chances of defeating Sen. John McCain in November

Núna vona menn bara að Obama vinni í Texas eftir rúma viku og þar með verði Clinton það ljóst sjálfri að komið sé að lokum vegferðar hennar á þessum vettvangi.

Hann meira að segja ber stöðuna saman við þegar Nixon tapaði stuðningi sínum í Repúblikanaflokknum á sínum tíma og þyrfti að segja af sér forsetaembættinu. Sá eini hjá Demókrötum sem hugsanlega hefði getað gegnt þessu hlutverki gagnvart Hilary nú, Ted Kennedy, sé búinn að loka á það þar sem hann hefur lýst yfir stuðningi við Obama.

Á meðan heldur Clinton fast í gagnrýni sína á Obama um að hann sé að fljúga hátt á "lánuðum" setningum, eitthvað sem er næstum því aðhlátursefni í stjórnmálaheiminum. Og í raun hefur verið svipað rakið á hana sjálfa.

Að þessu sögðu hefur maður séð fleiri greinar þar sem yfirskriftin er "it´s over" og fleira í þeim dúr.

Annars virðist ekki vera marktækur munur á þeim samkvæmt skoðanakönnunum í Texas og í Ohio leiðir Clinton með 6-8 prósentustigum.

Ég fer jafnvel að hallast að því sjálfur að þetta sé búið hjá henni.

Æ æ

Einhvernveginn líst mér ekkert á þessa ráðningu. Guðmundur er búinn að reyna sig með landsliðið og sú reynsla var svona upp og ofan.

Helst lítur þetta út fyrir að vera björgunaraðgerð af hálfu HSÍ og maður reiknar ekki með mikið bættum árangri í kjölfarið.

Ég held svei mér þá að maður hefði frekar viljað sjá Sigga Sveins með liðið.

Guðmundur ráðinn þjálfari

Ekki degi of snemma

Vonandi verður þetta ekki of lítið og of seint. Það er fyrir löngu kominn tími á þetta enda er þetta grunnur þess að geta tekið fullan þátt í samfélaginu á hvaða hátt sem litið er á það.

Þetta hefur hins vegar dregist allt of lengi að komast á.

Þetta verður bylting á sumum svæðum landsins og getur jafnvel orðið grundvöllur atvinnusköpunar á sumum þeirra.

Tilboð í uppbyggingu háhraðatenginga

Svalt á fleiri stöðum en Íslandi

Ætli það sé ekki aðeins svalara í helvíti í dag en aðra daga. Tottenham vann deildabikarinn áðan og nýr forseti í stað Castró kjörinn á Kúbu.

Svo er líka fyrsti forsetaframbjóðandinn í Bandaríkjunum ljós, Ralph Nader fer aftur og enn í forsetaframboð í haust.

Svei mér þá.