Málshátturinn

"Sanngirni er sátta móðir"

Þetta er einn af þeim betri og getur átt víða við.

Auðvitað

Það eru bara alls staðar brögð í tafli í kringum þessa Eurovision keppni er það ekki. Er þá ekki um að gera að sniðganga allt heila batteríið.

Rukkað fyrir ógild atkvæði í Eurovision

Segðu það með blómum

Ég frétti af Jóhönnu Sigurðar í múlunum í Reykjavík í dag þar sem hún gekk í hús og gaf rauðar rósir svona í tilefni kosninganna á laugardaginn. Fallega gert hjá henni, blóm hafa alltaf virkað vel til gjafa, spurning hvort það virki til atkvæðaveiða samt.

Klaufar

Í allri þessari jafnréttisumræðu þá gleyma félagarnir sér aðeins og klikka á svona. Ég verð að vera sammála Guðnýu og telja þetta vera hallærislegt annars er það ágætt sem eftir henni er haft í þessari frétt.

Bændakonur ekki ánægðar með bréf Einars Odds og Guðjóns Arnars

Síðasti spretturinn II

Það verður spennandi að sjá hvað frambjóðendur og fylgifiskar hafa fram að færa þessa seinustu tvo daga kosningabaráttunnar. Svo virðist sem nokkuð stór hópur kjósenda geri ekki upp hug sinn endanlega fyrr en þessa seinustu tvo daga svo það er eftir nokkru að slægjast en stóra spurningin er auðvitað hvernig á að ná árangri í þvi.

Sjálfur er ég temmilega bjartsýnn á gengi okkar, svona miðað við efni og aðstæður. Á brattann hefur verið að sækja en þó gengur ágætlega að ræða málin. Tregðulögmálið virðist segja svolítið til sín á endasprettinum og hlutirnir þá sækja í átt að því sem áður hefur verið enda verður að segjast að það er fátt um raunveruleg og stór kosningamál að ræða núna. Sagði ekki Egill Helga að allir flokkar væru Framsóknarflokkar fyrir þessar kosningar.

Þrátt fyrir þetta má alltaf deila um keisarans skegg og láta minna fara fyrir því raunverulega og þó að vel sé gert má alltaf gera betur.

Síðasti spretturinn

Nú erum við á seinustu metrunum í kosningabaráttunni og kannski því betur að sjást fyrir endann á þessu öllu saman. Kosningabaráttan í aðdraganda þessara kosninga hefur dregið dám af tíðum og misvel útfærðum skoðanakönnunum og hefur sú rödd orðið háværari að banna þær í vissan tíma fyrir sjálfar kosningarnar. Það er í sjálfu sér góð og gild skoðun að vilja banna skoðanakannanirnar vissan tíma fyrir sjálfar kosningarnar og hef ég heyrt fleiri og fleiri en ég sjálfur tel hins vegar að inn í þetta ferli spili vald fjölmiðlanna á þann hátt að þeir (fjölmiðlarnir) ofnota þær kannanir sem gerðar eru á þann hátt að allt of mikill tími hinnar eiginlegu kosningabaráttu fer í að fá viðbrögð misháttsettra flokksmanna stjórnmálaflokkanna við þeim. Með öðrum orðum eru fjölmiðlarnir búnir að stýra umræðunum í kringum kannanirnar í stað þess að láta umræðurnar stjórnast af sjálfum málefnunum. Ég varpaði þessari skoðun minni fram fyrir mörgum vikum og sýnist að síðan hafi þetta einungis ágerst ef eitthvað er. Svo held ég líka að stjórnmálamennirnir fari í kringum þetta hjá fjölmiðlafólkinu eins og köttur í kringum heitan graut því engan má jú styggja á viðkvæmum tímum. Þetta geta þeir þó afgreitt á mun skeleggari og skynsamari hátt finnst mér og ná þannig meiri og betri tíma í málefni.

Ég persónulega hef hins vegar svo gaman af tölum að ég vil alveg hafa þessar kannanir til að rýna í sjálfur og leika mér að þeim. Hins vegar vil ég að stjórnmálamenn séu látnir taka umræður um raunveruleg málefni og þá frekar láta "fótgönguliða" og stjórnmálafræðinga tjá sig um og greina kannanirnar.

Orðatiltæki dagsins

Gamalt (eru þau það ekki öll þessi orðatiltæki, nema þá þau frá Sverri Stormsker), rússneskt orðatiltæki hljómar nokkurn veginn svona....

Ef maður horfir á fortíðina þá er maður blindur á öðru auga en ef maður horfir bara á framtíðina án þess að hugsa um fortíðina þá er maður blindur á báðum augum

Þetta finnst mér gott máltæki. Maður þarf að vera í tengslum við fortíðina til að geta farið fram á við inn í framtíðina.

Sniðugt

Þeir eru alveg einstakir þessi grey. Geta ekki sett sig í samband við umheiminn á þessu sviði en þykjast svo vera heimsveldi á hæsta klassa.

Þar fyrir utan er ég alveg þokkalega ánægður með þessa niðurstöðu, ég tel mig vera ötulan baráttumann þess að fólk fái að vera öðruvísi. Það er einhvernveginn svo óskemmtileg tilhugsun að allir og allt sé eins. Það er jú nóg til af þessu normala fólki þannig að ég og hinir verða að fylla flokk þeirra sem eru öðruvísi.

„Pint" af öli bjargað á Bretlandi

Áframhaldandi uppbygging

Mér líst ágætlega á thetta og nú er bara að halda áfram uppbyggingu á svæðinu thannig að tharna verði ennthá frekari verðmætaskøpun á svæðinu. Thad eru margir møguleikar fyrir hendi varðandi uppbyggingu tharna.

Bláa lónið bauð hæst í Baðfélag Mývatnssveitar

Ég fer thangað næst

Ætli thad fari ekki að verða síðustu forvøð að heimsækja Kúbu áður en Castro fellur frá en auðvitað verður maður að ná thví.

Castro sagður snúa aftur til leiks í byrjun maí