Þarf svo lítið til

Athyglisverðast í þessu öllu saman finnst mér hvað það þarf í rauninni lítið til að lama allt samgöngukerfi okkar Íslendinga hvort sem um er að ræða á höfuðborgarsvæðinu eða annars staðar á landinu.

Það má svo rifja það upp að svipaðar aðgerðir vöruflutningabílstjóra urðu Tony Blair næstum því dýrkeyptar í upphafi forsætisráðherraferils hans.

Ætli það verði nokkuð svipað uppi á döfinni hér nú?

Bílstjórar lokuðu hringvegi

Saga dagsins

Saga dagsins

Kjörmannatölfræði

Nú er komið að því að ég setji hér inn smá kjörmannatölfræði varðandi Clinton og Obama og kemur í framhaldi þeirrar skoðunar minnar að Clinton sé eiginlega búin að tapa slagnum. Þetta er unnið seinustu vikuna samkvæmt ýmsum upplýsingum, þeim skoðanakönnunum sem ég hef komist í, greiningum stjórnmálaskýrenda vestan hafs og greiningum ýmissa fjölmiðla þar einnig. Þá liggja að baki þessu (að litlu leyti reyndar) skrif í bloggheimum af öllum stærðum og gerðum.

Ég geng út frá því kjörmannafjölda RCP í upphafi en samkvæmt þeim er Obama nú með 1627 kjörmenn og Clinton með 1494.

Tíu prófkjör eru framundan fram í júní og gefa þau 566 kjörmenn. Þá reikna ég ekki með að Flórida og Michigan kjósi aftur en ég kem að því síðar.

Ég reikna með að Clinton vinni í Pennsylvaniu, Indiana, Vestur Virginíu, Kentucky og Puerto Rico. Þá reikna ég með sigri Obama í Guam, Oregon, Montana, Suður Dakóta og Norður Karólínu. Sem sagt fimm sigrar hjá hvoru. En það segir auðvitað ekki allt því þá á maður eftir að skoða kjörmannafjöldann og það kemur hér með prósentutölum innan sviga (nema í Guam).

Pennsylvania.   Clinton 95 (60%)   -   Obama 63 (40%)

Guam.   Clinton 1   -   Obama 3

Norður Karólína.   Clinton 52 (45%)   -   Obama 63 (55%)

Indiana.   Clinton 40 (55%)   -   Obama 32 (45%)

Vestur Virginia.   Clinton 18 (64%)   -   Obama 10 (36%)

Oregon.   Clinton 22 (42%)   -   Obama 30 (58%)

Kentucky.   Clinton 28 (55%)   -   Obama 23 (45%)

Puerto Rico.   Clinton 32 (58%)   -   Obama 23 (42%)

Montana.   Clinton 6 (40%)   -   Obama 10 (60%)

Suður Dakóta.   Clinton 6 (40%)   -   Obama 9 (60%)

Samtals gerir þetta 300 kjörmenn hjá Clinton í þessum tíu prófkjörum og 266 hjá Obama. Þá er staðan sú að Obama væri með 1893 kjörmenn á bakvið sig en Clinton með 1794. Ennþá væri um 100 kjörmanna forskot hjá Obama að ræða.

Það erfitt að átta sig á fylgi þeirra í hverju ríki fyrir sig en það er óvarlegt að áætla meiri sviptingar í hvora átt en hér er, bæði vegna úthlutunarreglna flokksins varðandi kjörmenn og síðan hvernig þau hafa staðið sig í prófkjörunum hingað til. Niðurstaðan er sú að Obama komi til með að hafa um það bil 100 kjörmanna forskot á Clinton í lokin.

Síðan er það spurningin varðandi Florida og Michigan en þar eru 313 kjörmenn í boði verði kosið þar aftur og allar refsingar flokksins lagðar af. Miðað við skoðanakannanir og fylgi þeirra í þessum ríkjum má gefa sér að Obama fái þar 130-140 kjörmenn og Clinton 170-180. Þar með væri Obama kominn með útnefninguna.

Ýmislegt er á prjónunum varðandi endurteknar kosningar í þessum ríkjum en eftir því sem lengra líður fram á vorið án ákvörðunar minnka líkurnar á því að nokkuð gerist.

Annars væri best fyrir Demókrata að þetta væri klárað strax.

Gríðarlega harður slagur í gangi þó fimm vikur séu í næsta prófkjör

Þrátt fyrir að gott hlé sé nú á milli prófkjöra hjá Demókrötum í Bandaríkjunum er slagurinn engu að síður gríðarlega harður. Hilary Clinton er í mjög beinskeyttri baráttu um að fá stuðning sjálfkjörinna landsfundarfulltrúa og notar þar Bill og Chelsea ákaft. Obama gefur henni lítið eftir en það fer einhvernveginn eitthvað minna fyrir honum í þessari baráttu.

Staðan á milli þeirra þar er annar sú að Clinton er með atkvæði 248 þeirra eins og er en Obama nýtur opinbers stuðnings 213 en 334 eiga eftir að lýsa yfir stuðningi við annað hvort þeirra. (Tölur samkvæmt RCP).

Málið með þessa landsfundarfulltrúa er, þrátt fyrir nokkurt forskot Clinton á Obama meðal þeirra, þá hefur það bil minnkað all verulega undanfarnar vikur og það hefur dregið verulega úr líkunum á því að Clinton hljóti útnefningu flokksins sem forsetaefni hans. Spurningin er hreinlega að verða sú hve lengi þrjóskast hún við.

A funny thing is happening. While Hillary and Bill appeal to super delegates to override the will of the voters and back Hillary, the super delegates are doing just the opposite

Og miðað við hvernig landslagið virðist liggja í þeim prófkjörum sem eftir eru verður Clinton líklega að fá stuðning yfir 2/3 hluta (líklega um 220 af 334) sjálfkjörnu fulltrúanna sem enn eiga eftir að lýsa yfir stuðningi við annað hvort þeirra. Ég sé ekki að það komi til með að gerast.

Mér virðast því öll vötn renna til Dýrafjarðar í þessum efnum.

Ekki nema von

Það er ekki nema von að æði mörg sérsambönd vilji sérstaka íþróttarás fyrir sínar greinar vegna umfangs boltagreina í umfjöllun helstu fjölmiðla landsins.

Auðvitað verður að taka tillit til og bregðast við vinsældum einstakra íþróttagreina en að eyða innslagi í íþróttaþætti í tölvuleikjamót í fótbolta eins og RÚV gerði í gærkvöldi er eiginlega of mikið.

RÚV hefur líka ríkari skyldur á herðum en aðrir fjölmiðlar um fjölbreytni í þessum efnum en er ekki að standa fyllilega undir því svo ekki sé meira sagt.

ESB

Heitasta málið í dag virðist vera ESB, ja svona fyrir utan Vaðlaheiðargöng, sundabrautina og upplausn á Landspítalanum. Það er svo sem af nógu að taka.

En varðandi ESB þá held ég að það sé kominn tími á að breyta aðeins nálguninni á umræðu um þau mál öll sömul. Þrátt fyrir að hafa alla tíð verið á móti aðild að Evrópusambandinu hef ég aldrei talið annað en í framtíðinni kæmi að því að taka ákvörðun um aðild. Það yrði þá gert á þeim grunni að viðræður væru búnar að eiga sér stað milli Íslands og Evrópusambandsins um fulla aðild Íslands að sambandinu og þá gæti maður tekið afstöðu á grundvelli staðreynda sem fyrir lægju úr þeim aðildarviðræðum.

Núna finnst mér þessi tími vera kominn. Núna á að setja fram samningsmarkmið Íslands í aðildarviðræðum við ESB og í framhaldi af því að fara í aðildarviðræður og sjá hvort samningsmarkmið okkar næðust fram í þeim viðræðum.

Síðan á að leggja það sem kemur út úr þeim viðræðum í þjóðaratkvæðagreiðslu. Þá hefur almenningur staðreyndir úr aðildarviðræðunum til að byggja atkvæði sitt á en ekki fyrr.

Í dag grundvallast nefnilega umræðan á frösum, skotum, sleggjudómum og svo auðvitað engri umræðu. Það sem ég vildi sagt hafa er að það eru engin rök í gangi því ekkert er fast á borði og þá geta allir látið gamminn geysa eða þagað, allt eftir atvikum.

Ef íslenska flokkakerfið ræður ekki við þetta, þ.e.a.s. ef liðsmenn flokkanna ráða ekki við þetta verkefni vegna hræðslu um að flokkarnir klofni, þá verður að fá nýja hugsun í nálgunina.

Ég vil sem sagt fara í aðildarviðræður við Evrópusambandið á grundvelli skilgreindra samningsmarkmiða út frá stöðu og hagsmunum Íslands. Síðan vil ég taka ákvörðun á þeim  grundvelli, sem við þetta skapast.

Grænlandssléttbakurinn ekki alveg dauður

Hvernig er hægt að vanáætla stofnstærð Grænlandssléttbaksins? Það er ekki eins og þetta séu eitthvað lítil dýr.

Kanadískir vísindamenn hafa fundið allt að 40.000 Grænlandssléttbaka sem lifa í norðurhöfum. Kanadíska sjávar- og fiskveiðiráðuneytið segir að stofn Grænlandssléttbaka sé miklu stærri en menn hafi haldið til þessa. Talið var að hvalategund þessari hefði verið nær útrýmt á árum áður og í stofninum væru einungis 300-400 hvalir

Það er helvíti mikill munur á 400 dýrum og 40 þúsund dýrum. Þetta eykur ekki alveg tiltrú manns á þeim tölum sem eru í gangi fyrir aðrar hvalategundir um þessar mundir.

Höfum þetta innan siðsamlegra marka

Undanfarnar vikur hafa borið með sér beinskeyttar árásir, ummæli og fleira í þeim dúr á milli Barack Obama og Hilary Clinton. Nú hafa þau rætt saman um að reyna að róa niður stuðningsmenn sína á komandi vikum eða meðan kosningabarátta þeirra stendur yfir.

They agreed that the contrasts between their respective records, qualifications and issues should be what drives this campaign, and nothing else said Clinton spokesman Phil Singer

An Obama adviser gave a similar account, while stressing that it was Obama who approached Clinton on the subject. They committed to making sure that their supporters don't get overheated in the future, the adviser said

Þetta hefur nefnilega verið svolítið á þann veg undanfarið að fólk í báðum herbúðum hefur gengið full langt í stuðningi sínum við sinn aðila og það gerir í raun ekkert annað en að vekja úlfúð innan flokksins og skaða hann útávið fyrir sjálfar forsetakosningarnar í haust.

It followed a week of harsh words that led to resignations in both camps. Samantha Power gave up her position as an unpaid foreign policy adviser to Obama after calling Clinton a "monster." Geraldine Ferraro, who was the party's vice presidential nominee in 1984, stepped down from Clinton's finance committee after she said Obama would not have made it this far if he were white

Nú er mál að linni og tekist verði aðeins snyrtilegra á í þeim prófkjörum sem eftir eru.

Eins dauði er annars brauð

Nú þegar ríkisstjóri New York, Eliot Spitzer hefur sagt af sér vegna sinna mála eins og vel hefur verið greint frá í fréttum síðustu daga tekur auðvitað annar við.

Spitzer hættir á mánudaginn og þá tekur David Paterson við en hann er fyrsti blökkumaðurinn til að gegna starfi ríkisstjóra New York. En það er meira nýtt við Paterson. Hann er fyrsti ríkisstjóri Bandaríkjanna sem er blindur (löglega blindur).

Og hann fær hlýjar móttökur í nýja starfinu. Þetta hafði forystumaður Repúblikana að segja:

We're excited about the potential of our new governor

Það held ég.

Alltaf sér maður eitthvað nýtt

Í prófkjörinu í Texas á dögunum sá ég eitthvað sem ég hef ekki séð áður í þessum forkosningum að minnsta kosti.

Í Coryell sýslu hlutu Clinton og Obama jafn mörg atkvæði eða 2434 hvort þeirra. Það sama var síðan uppi á teningnum hjá Repúblikönum í Stephens sýslu þar sem McCain og Huckabee fengu báðir 241 atkvæði.

Það eru stundum svona fánýtir og einskis verðir hlutir sem maður getur skemmt sér yfir.

Annars er enn verið að ganga frá úrslitunum í Texas, það er að segja í forvalshluta (caucus) þeirra en ekki er búist við þeim fyrr en eftir tvær vikur. Þá ræðst endanlega hvernig þeim 67 kjörmönnum sem bundnir voru við þann hluta verður úthlutað á milli Clinton og Obama.

Annars er ég langt kominn með að reikna út kjörmannafjölda þeirra miðað við ákveðnar forsendur í næstu prófkjörum og er helst á því að verði kosið aftur í Florida og Michigan muni Obama ná tilskyldum fjölda kjörmanna til að hljóta útnefninguna.