Hilary vinnur prófkjörið í Flórida

Hilary Clinton hefur unnið prófkjörið í Flórida eins og var nokkuð öruggt fyrirfram. Það gefur henni ákveðinn meðbyr inn í forvalssúpuna næsta þriðjudag en enga kjörmenn.

Clinton 50%, Obama 30%, Edwards 14%, Kucinich 1%. Þetta eru ekki alveg endanlegar tölur þar sem á eftir að telja aðeins af atkvæðum en þeim skeikar aldrei meira en 1-2% hjá hverjum frambjóðanda.

Uppfært

Eftir að hafa rennt yfir útgönguspá hjá CNN sýnist mér að stærsti áhrifaþáttur stórs sigurs Clinton á Obama sé hvernig aldurssamsetning þeirra sem kusu var. Um 40% þeirra sem kusu eru eldri en 60 ára (kemur kannski ekki rosalega á óvart þar sem ríkið er næstum því "retirement home") en á meðal þeirra hafði Clinton tæplega 60% stuðning. Obama hafði aftur á móti yfirhöndina í aldurshópnum 18-24 ára sem og meðal svartra kjósenda. Þá hefur Clinton verulega meira fylgi meðal kvenna en Obama en tæplega 60% þátttakenda voru konur (55-29%-Clinton). Sjá http://edition.cnn.com/ELECTION/2008/primaries/results/epolls/#FLDEM

Fyrstu tölur úr prófkjörum í Flórida

Nú er verið að birta fyrstu tölur í prófkjörum Demókrata og Repúblikana í Flóridaríki. Hjá Repúblikum er staðan þessi :

McCain  33%     34%

Romney  32%    31%

Giuliani  17%     17%

Huckabee  14%   13%

Paul  3%    3%

En hjá Demókrötum er Hilary Clinton með afgerandi forystu:

Clinton  52%   48%

Obama  29%   30%

Edwards  16%   14%

Fá atkvæði hafa verið talin enn sem komið er og eitthvað á eftir að breytast, að minnsta kosti hjá Repúblikönum. Úrslit hjá Demókrötum eru ljós og gætu gefið Clinton smá "moment" inn í ofur þriðjudaginn.

Annars sýna útgönguspár slaginn á milli McCain og Romney mjög jafnan en sá sem vinnur fær alla 57 kjörmenn ríkisins. Það er því mjög mikilvægt að vinna í kvöld og eins upp á hið víðfræga "momentum".

Rauðar tölur=uppfært

Fyrirætlan Edwards staðfest

Það er ekkert verið að spara breiðu spjótin þegar þau gefast. Obama er strax farinn að nota Caroline og Ted í auglýsingar sínar. Sjá http://link.brightcove.com/services/link/bcpid353515028/bctid1396506062 og http://link.brightcove.com/services/link/bcpid353515028/bctid1396506113

Síðan hefur aðstoðarkosningastjóri John Edwards staðfest að þó þeir telji að hann muni vinna útnefningu Demókrata þá sé Edwards einnig í baráttunni til að láta heyra í sér og af sínum helstu baráttumálum.

Þetta þýðir að hann er að safna kjörmönnum til að hafa sterkari samningsstöðu um gott starf fyrir sig í framhaldi kosninga í haust. Hann sér fram á að útnefning Demókrata komi til með að byggjast á kjörmönnum því bæði Clinton og Obama hætti ekki fyrr en í fulla hnefana og að baráttan á milli þeirra sé svo jöfn að hann geti leikið þennan kjörmannaleik sinn.

Það held ég.

Edwards heldur áfram

Eftir prófkjör Demókrata í Suður-Karólínu á laugardaginn komu upp raddir um að John Edwards hefði lítið að gera áfram í slagnum. Talið var að hans helsta von um góða útkomu væri að finna í SK en það brást og fékk hann aðeins 17% atkvæða og virtist helst taka atkvæði af Clinton.

En nú hefur Edwards tekið af allan vafa um hvort hann haldi baráttunni áfram og kynnti hann í gær hvernig hann ætlaði sér að nálgast ofur þriðjudaginn. Fram að honum mun hann leggja mikla á herslu á ríki þar sem Obama er talinn sterkur fyrir eins og Tennessee, Georgiu, Alabama, Missouri ásamt fleirum. Síðan mun hann leggja mikla áherslu á Kaliforníu þar sem Clinton er sterk eins og er. Það er því líklegra en hitt að Edwards sæki á veiðisvæði Obama en hafi minni áhrif á Clinton nema þá helst í Kaliforníu en það er reyndar ekki lítið sem það getur skipt máli.

Edwards gæti því haft nokkuð um framvinduna að segja í framhaldi 5. febrúar með sína kjörmenn og gæti lagt þá til annars hvors frambjóðandans, sem eftir verður þá. Einhverjir hafa talið líklegt að það verði Clinton en þau Edwards áttu víst fund um daginn, eftir kappræðurnar í Nevada.

Hitt er svo spennandi að sjá hvort og þá hvernig stuðningsyfirlýsing Kennedy hefur áhrif á slaginn en hún er talin vera sterk fyrir Obama.

But not all endorsements are created equal, and that's certainly the case with today's endorsement of Sen. Barack Obama's (Ill.) presidential campaign by Sen. Edward Kennedy (D-Mass.).

In the hierarchy of endorsements, Kennedy coming out for Obama falls into the category of "symbolic endorsement," the most coveted of all because it is not simply the typical pat on the back and photo-op, but rather it signifies something larger about a candidate.

Kennedy, after all, is not simply the senior senator from Massachusetts. He's Ted Kennedy -- last of the brothers of the original first family in American politics (sorry Bill and Hillary) and standardbearer for liberals everywhere. For people of a certain vintage, Ted Kennedy serves as the embodiment of what it means to be a Democrat

Tekið af http://blog.washingtonpost.com/thefix/

Það held ég.

Sögulegur forseti BNA

Svona miðað við stöðu í forvalsslag flokkanna í Bandaríkjunum þá er líklegt að menn geti státað sig af "fyrsta" forseta í haust. Það gæti orðið:

Fyrsta konan sem forseti

Fyrsti svarti maðurinn sem forseti

Fyrsti forsetinn sem er yfir sjötugt þegar hann er kosinn

Fyrsti mormóninn sem forseti

Það held ég.

Forval í Flórida á morgun

Það er forvalsdagur í Flórida á morgun. Aðal athyglin er á forval Repúblikana því hjá Demókrötum verða engir kjörmenn úr ríkinu á flokksþinginu í sumar. Þeir kjósa samt því flokkurinn í ríkinu stendur að því en yfirstjórn flokksins setti refsingu vegna þess að forvalið er haldið of snemma eða fyrir 5. febrúar. Það er í raun fyrsti opinberi prófkjörsdagurinn.

Í kapphlaupi Repúblikana virðist vera almennt orðið viðurkennt að um sé að ræða baráttu tveggja manna, John McCain og Mitt Romney. Mike Huckabee er orðinn fjarlægur þeim þó svo að hann eigi vinningsmöguleika í einhverjum ríkjum 5. febrúar þá er ekki talið að það sé honum nóg til að koma til greina sem forsetaefni Repúblikana. Rudolph Giuliani ákvað að setja öll eggin í sömu körfuna og sleppa baráttunni í þeim prófkjörum, sem lokið er og stóla á sigur í Flórida. Það plan virðist vera að springa í höndunum á honum og því horfir svo að hann sé að sigla hægt og rólega í land í þessari baráttu. Ron Paul er svo líklega neðstur af þeim fimm þó svo að vísu að hann hafi náð öðru sæti í Nevada þá hefur hann verið í harðri baráttu við Giuliani um neðsta sætið.

En hvað segja kannanir fyrir morgundaginn? Við skulum líta á það.

 

Mitt Romney	31%
John McCain	31%
Rudy Giuliani	16%
Mike Huckabee	11%
Ron Paul	4%
Some Other Candidate	4%

Svona er staðan fyrir morgundaginn en ef maður skoðar aðrar kannanir sýnist manni McCain hafa örlítið forskot. Romney og McCain hnífjafnir og Giuliani langt á eftir. Ef McCain vinnur á morgun er staða hans orðin mjög góð en ef Romney vinnur þá er allt opið ennþá þegar siglt er inn í kosningar ofur þriðjudagsins. Þess má geta að slagurinn á milli þeirra tveggja á toppnum er orðinn nokkuð harður og föst skot hafa gengið á milli þeirra í vikunni, enda mikið undir. Svínatilvitnunni í fyrri færslu var til dæmis höfð eftir McCain um Romney. Ég efast ekki um að þetta verður spennandi en spái McCain sigri með 3% mun. Síðan komi Romney og fast á hæla hans Giuliani sem fái betri kosningu en nú bendir til í könnunum.

Staða frambjóðenda Demókrata í Flórida er snúin eins og ég hef minnst á áður. Kjörmennirnir telja ekki og þeir skuldbundu sig til að vera ekki í baráttu þar. Samt vofir spennan yfir, sérstaklega eftir úrslitin á laugardaginn og eftirhreytur þeirra sem og stuðningsyfirlýsingu Kennedy ættarveldisins í gær og dag (ekki alls en þeirra mikilvægustu). Hilary er með mjög gott forskot sem hún mun líklega nota sér, verði það úrslitin, til að fara inn í ofur þriðjudaginn í uppsveiflu.

Reyndar hefur hún opnað á það að kjörmönnum Flórida og Michigan verði leyfð þátttaka á flokksþinginu, væntanlega til að auka vægi forvalsins á morgun.

Annars held ég að stuðningur Kennedys við Obama skipti verulegu máli í kosningum 5. febrúar og ekki minna máli varðandi stuðningsyfirlýsingar sjálfkjörinna fulltrúa (super delegates) á flokksþingið. Eins og staðan er í dag hefur Obama tryggt sér fleri kjörna fulltrúa en mun fleiri sjálfkjörnir hafa gefið sig út fyrir að styðja Clinton. Þess vegna er hún talin vera um 80 kjörmenn í forskot. Menn telja að nú þegar Kennedy hefur sagst styðja Barack þá fylki mun fleiri sjálfkjörnir fulltrúar sér í raðir Obama.

Það held ég.

Með Kennedy á bak við sig

Ég hef áður talað um stuðningsyfirlýsingar í prófkjörsslag Demókrata og Repúblikana og kannski heldur dregið úr því að þær skili svo sem miklu inn í fylgi viðkomandi frambjóðanda. Enda er um ótal svona stuðningsyfirlýsingar að ræða, maður getur flett því upp hver styður hvern og er þar úr nógu að velja.

En Obama er núna að fá tvær stuðningsyfirlýsingar sem ég held að skipti hann dálitlu máli í slagnum 5. febrúar. Í dag birtist grein í New York Times þar sem Caroline Kennedy, dóttir John F. Kennedy fyrrum forseta lýsir yfir stuðningi við hann.

I have never had a president who inspired me the way people tell me that my father inspired them. But for the first time, I believe I have found the man who could be that president — not just for me, but for a new generation of Americans

Góð grein sem ég mæli með til lestrar.

Síðan hefur það verið gefið út að á morgun muni Edward M. Kennedy lýsa yfir stuðningi við Obama en litið er á stuðning hans sem einna mikilvægastan af forvígismönnum Demókrata.

Ég tel því að þessi stuðningur komi til með að skipta þónokkru máli fyrir Obama í flóðbylgjunni þann 5. febrúar.

Það held ég.

Reykjavík brennur!

Eða er það ekki annars. Manni svona getur skilist það af lestri Morgunblaðsins og að ég tali nú ekki um ef maður tekur einnn duglegan bloggrúnt. Ég sá nú samt engin skrílslæti samkvæmt mínum skilningi á því orði á þessum fræga borgarstjórnarfundi en skrílslæti eru hamfarir skríls samkvæmt orðabók Menningarsjóðs. Ég sá mótmæli stórs hóps fólks, sem að mínu mati fór eitthvað yfir strikið. Ekkert umfram það.

En það eru tvö atriði sem eftir standa í vikulokin.

Það er alveg sama hvað sjálfstæðismenn, hvort sem er í netskrifum eða blaðaskrifum, reyna að benda á og snúa athygli að málefnum Framsóknarflokksins þá standa öll spjót á þá. Þar fer nú flokkur sem er búinn að skaða sína eigin teflon húð og það all verulega. Það lagast ekki með því að benda á að flokksstarf Framsóknar sé í molum í höfuðborginni. Enda vita það allir og nenna ekki að lesa það aftur og aftur.

Síðan er það að allt þetta moldviðri í borgarmálapólitíkinni hefur ekki náð að þyrla ryki yfir dómaraskipan Árna Matt. Það mál lifir áfram og á eftir að reynast honum þyngra í skauti held ég en marga grunaði þegar það fór af stað.

Það held ég.

Úrslitin í Suður-Karólínu

Það var ljóst frá byrjun að Obama myndi vinna forvalið í Suður-Karólínu, spurningin var einungis sú hverjar yrðu lokatölurnar í slagnum. Lokatölurnar eru á þann veg að Obama er með 55% atkvæða, Clinton með 27% atkvæða og Edwards með 18% atkvæða. Aðrir svo með minna.

Þetta eru betri niðurstöður fyrir Obama heldur en menn reiknuðu almennt með í aðdraganda forvalsins og þar af leiðandi slakari fyrir keppinauta hans. Þá verður að segjast að Edwards náði sér ekki á strik í ríkinu og spurningar um þátttöku hans fara að verða háværari. Ætli hann endist samt ekki til 6. febrúar og sjái stöðuna þá.

Að einhverjum hluta verður þessum úrslitum snúið upp í kynþáttaumræðu, sérstaklega heyrðist mér það á Repúblikönum en miðað við kannanir fyrr í vikunni þá gekk betur hjá Obama meðal hvítra kjósenda en menn áttu von á, sérstaklega yngsta aldurshópsins þar. Í heild fær hann tæplega fjórðung atkvæða hvítra sem tóku þátt en meðal hvítra sem voru undir 30 ára aldri var stuðningur við hann yfir 50%. Lykill Obama í lotunni þann 5. febrúar næstkomandi er því að fá unga kjósendur á kjörstað og nota þennan fjórðungs stuðnings sinn meðal hvítra kjósenda sem stökkpall inn í þá rimmu.

Núna hefur hann "momentum" inn í ofur þriðjudaginn þó svo að Clinton batteríið sé að reyna að gera eitthvað úr Flórida forvalinu á þriðjudaginn.

Það vekur líka athygli hjá mér hve margir kjósa í þessu forvali en líklega má segja að það hafi hjálpað Obama að ná þessum sigri. Yfir 500 þúsund manns kjósa í dag en ég var að tala um það fyrr í kvöld að líklega yrðu þeir um 350 þúsund og á Rúv í dag var talað um 300 þúsund manns. Þetta er þátttaka sem er vel yfir það sem var í forvali Repúblikana fyrir viku en hafa verður í huga að þar kusu um 20% færri en gerðu fyrir fjórum árum (og veðrið var vont).

Meiri greining á morgun.

Það held ég.

Spáð í útgönguspárnar

Það getur verið svolítið gaman að spá aðeins í þær upplýsingar sem liggja í útgönguspánum svokölluðu í forvalinu.

Þar er Obama efstur á blaði í öllum flokkum nema fjórum sem birtar eru upplýsingar um.

Edwards og Clinton fá jafnmikið fylgi hjá þeim kjósendum sem ekki eru svartir og eru á aldrinum 45-59 ára. Edwards fær mest fylgi hjá kjósendum sem eru ekki svartir og eru á aldrinum 30-44 ára. Clinton fær mest fylgi hjá kjósendum sem eru ekki svartir og eru eldri en 60 ára og reyndar ef bara er miðað við aldurinn þá fær Clinton mest fylgi meðal kjósenda sem eru 65 ára og eldri óháð kynþætti. Þar er hún með 8% forskot á Obama.

Að öðru leyti er Obama efstur í öllum öðrum flokkum sem sagt er frá. Rétt um 80% svartra kjósenda kusu hann óháð aldri (75-83%). Þá er hann með stuðning tæplega 70% kjósenda sem eru á aldrinum 18-29 ára.

Þá finnst mér það sérstakt að 20% kjósenda Clinton telja Obama vera hæfastan til að gegna forsetaembættinu (3% kjósenda hans töldu Clinton vera það og 2% kjósenda hans töldu Edwards vera það).

Þetta eru nú auðvitað útgönguspár en eitthvað er að marka þær. Samkvæmt þeim verður lokaniðurstaðan sú að Obama fær 53% atkvæða, Clinton 27% og Edwards 19%.

Svona er nú það.

PS Tek ekki með í þetta nokkrar krossspurningar og hæfileikaspurningar sem eftir hlutarins eðli liggja með þeim sem sá aðili kaus að miklu leyti, þó ekki alveg.