Eitt forval í dag hjá Repúblikönum - fyrstu tölur

Það hefur farið framhjá flestum held ég að það er haldið eitt forval í Bandaríkjunum í dag. Repúblikanar hafa forval í Maine í dag og bítast þar um 21 kjörmann. Ríkið hefur eiginlega ekki fengið neina athygli þar sem ofur þriðjudagurinn hefur fengið alla athyglina. Einn frambjóðendanna leit þó við í ríkinu og svo er bara að sjá hvort það gefi honum eitthvað fyrir þá fyrirhöfn.

Uppfært, fyrstu tölur

Romney 58%, Paul 19%, McCain 18% og aðrir mikið minna (2%).

Ofur þriðjudagurinn nálgast

Svona sér blaðamaður Washington Post Bill Clinton fyrir sér á kosningaferðalagi:

Hillary Clinton may be the presidential candidate, but much of the future Bill Clinton sketches on the stump is about putting the band back together. Watching him engage the crowd is a little like going to a Beach Boys concert, 20 years on. He knows all the old tunes and delivers them reliably. The crowd, mostly middle-aged and older, laughs and cheers in satisfied bursts, remembering the good times

Annars nálgast ofur þriðjudagurinn óðfluga og staðan er sú að Clinton er með duglega forystu í mörgum þessara rúmlega 20 ríkja sem kjósa þá. Obama leiðir í Georgiu, Alabama og Illinois (merkilegt!) og aðeins sjónarmunur (ekki marktækur) skilur þau að í Californiu og Connecticut. Í Massachusetts er munurinn ekki mikill Clinton í vil.

Helsti andstæðingur Obama núna er ekki Clinton heldur sá stutti tími sem er fram að ofur þriðjudeginum. Hann er með "momentum" með sér og stuðningur við hann eykst á hverjum sólarhring. Það sést á því að munur á milli þeirra í landskönnun var í gær 6% en fyrir viku var hann 11%.

En það eru ekki allir jafn ánægðir með kosningafyrirkomulagið. Þetta er sýn Steven Hill (director of the political reform program at the New America Foundation and author of "10 Steps to Repair American Democracy) á það:

With Super Duper Tuesday looming, nearly half of the delegates needed for the nomination will be decided on a single day. Having a single primary day with so many states gives great advantage to those candidates with the most campaign cash and name recognition to compete in so many states simultaneously

A national primary system with four separate primary days, where the 13 smallest states go first followed by the medium states and finally the largest states, makes a lot more sense and would ensure that all states and all voters have a say in the nomination process

Held að ég sé sammála honum í þessu.

Flugvöllurinn ... enn og aftur og áfram

Las þetta á RÚV í kvöld

Gert verður ráð fyrir Reykjavíkurflugvelli í aðalskipulagi sem nú er unnið fyrir Vatnsmýrina, segir Ólafur F. Magnússon borgarstjóri. Hann segir að meirihlutinn muni festa í sessi flugvöll í Vatnsmýri.

Gísli Marteinn Baldursson, formaður samgöngu- og umhverfisráðs Reykjavíkurborgar, sagði í fréttum Útvarpsins í gær að hann sæi fyrir sér 20.000 manna byggð í Vatnsmýri. Svo fjölmenn byggð geti ekki verið þar ef flugvöllurinn verði þar áfram

Eina sem manni dettur í hug er endalaus vitleysa. Sé ekki að þeir geti báðir verið að festa flugvöllinn í sessi í Vatnsmýrinni.

Einfalt mál finnst mér. Vinna eftir verðlaunaskipulagstillögunum um Vatnsmýrina og finna flugvellinum síðan varanlegan stað. Það er allt of þrengt að honum í Vatnsmýrinni. Ég held að Reykjavík megi alveg við því að þétta byggðina og flugvöllinn er hægt að byggja upp á ekki verri stað.

Eitt samt á tæru, það þarf að taka ákvörðun mjög fljótlega svo svona hringlandaháttur standi ekki í vegi fyrir framtíðinni. Allt of lítið tekið af stórum, mikilvægum og sterkum ákörðunum á Íslandi í dag sem skila sér í sterkari framtíð.

Og það var og.

Hreinsa aðeins til á Rás 2 takk fyrir

Alveg finnst mér vera kominn tími á að skipta Magnúsi Einarssyni út af Rás 2. Hann gerir ekkert annað en vefjast tunga um tönn í föstum dagskrárliðum sínum og svo ofspila Amy Winehouse fyrir tilstilli eigin dýrkunar á listamanninum að því að virðist. Hann spilar hana meira en plötur vikunnar og hefur meira að segja náð að spila lög hennar tvisvar í röð oftar en einu sinni.

Þetta er auðvitað ósköp venjulegt föstudagsnöldur og kannski má hann bara halda áfram. Enda er ég farinn að hlusta á Rás 1 í staðinn, miklu betra efni.

Og það var og.

Kemur ekki á óvart

Stuðningur Schwarzenegger við McCain kemur ekki á óvart, síður en svo. Þeir eru á sömu línu í raun og veru, á sumum sviðum langt frá hægri væng flokksins og frjálslyndari í mörgum málum. Enda hefur McCain fengið að heyra það einmitt undanfarna daga frá Romney að hann sé ekki hægri maður.

Það sem er athyglisvert aftur á móti á þessari mynd er að Rudy Giuliani er staddur þarna með Arnold og McCain og það gefur til kynna stórt hlutverk hans. Þar er sjálfsagt bæði um að ræða í kosningabaráttu McCain það sem eftir lifir prófkjöranna, síðan í forsetakosningaslagnum sjálfum og síðan kannski ekki síst í stjórnartíð McCain verði hann forseti í haust. Ég sé ekki á þessari stundu að Romney nái að velta McCain frá og hljóta útnefninguna sjálfur, til þess eru stefnumið hans of veik á of mörgum stöðum.

Hitt er svo annað að samkvæmt nýjustu "head to head" þá hefur McCain 6% forskot á Obama ef þeir berðust um forsetaembættið í haust og síðan 8% forskot á Clinton ef hún væri þar í stað Obama.

Schwarzenegger styður McCain

Saxi læknir með Davíð á skurðarborðinu

Er það ekki rétt með farið hjá mér að í áramótaskaupi fyrir nokkrum árum hafi Laddi í gervi Saxa læknis verið í miðri aðgerð á Davíð Oddsyni? Þá reis Davíð upp á skurðarborðinu og svo framvegis. Þetta var í framhaldi veikinda Davíðs á þeim tíma. Leiðréttið mig ef rangt er með farið.

Þetta er eiginlega hugsað upphátt hjá mér út frá margumtalaðri Spaugstofu á laugardaginn var. Ég er á því að þar hafi verið dansað á línunni en ekki farið yfir hana.

Geta þessi tvö atriði þá ekki flokkast sem sambærileg?

Ég er á því nema góð rök segi mér annað.

Ég á gamalt hús

Ég á gamalt hesthús. Rík saga, var flutt hingað og reist aftur. Gengdi nú einhverju öðru hlutverki áður samt. Held að það líti betur út en þetta sem þarna um ræðir.

Hægt að fá það á eitthvað minna en 600 milljónir líka, svo eru líka engar aðrar byggingar í nánasta umhverfi þannig að auðvelt er að varðveita götumyndina.

Það held ég.

Niðurrifi mótmælt

Þarna kom Edwards á óvart .... eða ekki

Ég er reyndar nýbúinn að skrifa um það að hann ætli að halda áfram baráttu sinni fram yfir ofur þriðjudaginn og ná góðri samningsstöðu fyrir sig í framhaldi þess. En svo er ekki, hann er ekki að fá neina athygli að ráði hjá fjölmiðlum og er því í sífelldum vandræðum með að koma sínum málum að. Þau eru honum ekki til trafala, hann hefur bara ekki náð að fylgja hinum tveimur í sviðsljósinu.

Sagt er að Edwards hafi sagt Clinton og Obama frá þessum á þriðjudaginn og um leið óskað eftir því við þau að fátækt yrði sett ofarlega í þeirra kosningabaráttu sem og í vinnslu þegar í Hvíta húsið væri komið.

En hvern kemur hann til með að styðja? Joe Klein, blaðamaður á Time magacine segir svo:

I don't think he endorses Hillary Clinton. The question is whether or not he endorses Barack Obama."

Clinton "represents a lot of the things that [Edwards] campaigned against, you know, the old Washington Democratic establishment that he believes got too close to the corporations in the '90s."

Það er svo frekar haldið að stuðningsmenn hann hallist frekar í átt til Obama og í sumum ríkjum komi  það með að ráða úrslitum á þriðjudaginn kemur.

Hlutirnir eru fljótir að gerast í Ameríku alveg eins og á Íslandi.

McCain vinnur prófkjörið í Flórida

Nú þegar talin hafa verið rúmlega 60% atkvæða í forvali Repúblikana í Flórida hefur John McCain verið lýstur sigurvegari.

Staðan er þannig: McCain 36%, Romney 31%, Giuliani 15%, Huckabee 13% og Paul 3%. Ekki er líklegt að þessar tölur breytist mikið til loka, kannski 1-2% hjá hverjum og einum. Það sem er kannski óljóst ennþá er hvor verður í þriðja sæti, Huckabee eða Giuliani.

Gríðarlega mikilvægur sigur fyrir John McCain þó svo að langt sé í land ennþá hjá honum að ná útnefningu flokksins sem forsetaframbjóðandi hans í haust.

Það held ég.

Giuliani hættur og styður McCain?

Óstaðfestar fréttir úr herbúðum bæði Giuliani og McCain herma að eftir úrslit kvöldsins í Flórida muni Giuliani draga sig út úr slagnum. Og það sem meira er þá mun hann lýsa yfir stuðningi við McCain, jafnvel strax á morgun í Kaliforníu. Þetta er haft eftir nánum samstarfsmönnum beggja frambjóðenda og því haldið fram að viðræður um þetta hafi staðið yfir í nokkra daga.

Spurningin er þá bara hvort þetta komi til með að tryggja McCain útnefningu Repúblikana eða hefur þetta skaðleg áhrif. Giuliani hefur nú ekkert gengið neitt sérstaklega vel í sínum slag og hefur hrapað í vinsældum miðað við skoðanakannanir á síðasta ári. Auðvitað spilar margt þarna inni í en líklegt verður að teljast að það sé styrkur fyrir McCain að fá stuðning hans. Þá er einnig talið líklegt að Giuliani fái virkan sess í komandi kosningabaráttu McCain.

Það held ég.