Ég á í vandræðum

Já, ég á alveg í stökustu vandræðum með hana Salbjörgu mína þessa dagana og það á algjörlega óvæntan en frekar skoplegan hátt. Þetta þriggja ára stýri vill nefnilega alltaf vera að bursta tennurnar. Alveg ótrúlegt, í það minnsta átta sinnum á dag. Ég hef nú frekar búið mig undir það að ég gæti einhverntímann átt í vandræðum með að fá hana til að bursta en svo er víst ekki.

Það er í sjálfu sér ekkert mikið að þessu nema þá hvað fer mikið tannkrem í þetta og það er nú ekki gefið frekar en annað á þessum síðustu og verstu tímum.

Þetta hlýtur að líða hjá, eða er það ekki annars?

Athugasemdir

[Vilborg Traustadóttir, 12.4.2007 kl. 21:15]

 Góð sú stutta!

[Ásthildur Cesil Þórðardóttir, 12.4.2007 kl. 21:34]

Ég held að það muni líða fyrr hjá ef þú ferð ekki að banna henni þetta.  Og reyndar ættir þú ef til vill að biðja hana um að bursta tennurnar.  En hana klæjar ef til vill í gómin svona í alvöru talað.  Getur verið að hún sé að taka einhverjar tennur ?

[Ragnar Bjarnason, 12.4.2007 kl. 22:05]

Nei nei Ásthildur, búinn að athuga það. Þetta er bara sport held ég. Flottur tannbursti og flott tannkremstúba.

[Jenný Anna Baldursdóttir, 12.4.2007 kl. 22:13]

Hún verður þreytt á þessu eftir smá tíma, trúðu mér.  Um að gera að búa ekki til athygli út úr þessu heldu láta sem ekkert sé.  Hún fær nóg.  Vertu rólegur.

[Ásdís Sigurðardóttir, 12.4.2007 kl. 23:35]

Passaðu þig bara að gefa henni ekki flúortöflur á meðan hún innbyrðir svona mikið tannkrem.

[Ásthildur Cesil Þórðardóttir, 12.4.2007 kl. 23:40]

Já litla fólkið, það er alveg einstakt.  Og hefur sína sér hagsmuni.

[Svava frá Strandbergi , 13.4.2007 kl. 00:08]

Börn eru svona taka æði í hinu og þessu eins og ég orða það. Svo eins ég hendi sé veifað hætta þau.

[Sigfús Sigurþórsson., 13.4.2007 kl. 01:12]

Ör tannburstun getur einmitt verið vegna þess að henni klæjar í tannholdinu, blessaður leifðu henni að bursta tennurnar, maður eins og þú Ragnar með 2600 krónur á tímann getur keypt árs skammt fyrir klukkustundar vinnu, eða var það ekki 2600 á tímann? 26000? 26000000? jaja allavega ársbyrgðir fyrir klukkutíma vinnustund.

[Haukur Nikulásson, 13.4.2007 kl. 07:56]

Ég myndi leita eftir því að fá tannkremið og burstana í heildsölu ef þetta heldur áfram.

[Ásthildur Cesil Þórðardóttir, 13.4.2007 kl. 09:42]

Ef til vill skortir hana einhver snefilefni sem hún fær úr tannkreminu.  Börn leita ósjálfrátt í slíkt.  Til dæmis sand, brennistein af eldspýtum allt eftir því hvaða efni það er sem vantar. 

[Ragnar Bjarnason, 13.4.2007 kl. 12:59]

Já ég leyfi henni þetta að mestu og held að þetta sé sportið. Tannkremið sem ég keypti Sigfús kostar nú bara næstum því 4 þús. líterinn og þú getur deilt með vel rúmlega tveimur í þína fyrstu tölu til að fá tímakaupið mitt

[Guðrún Bryndís Jónsdóttir, 13.4.2007 kl. 23:46]

pældu hvað hún verður með flottar og hvítar tennur þegar hún verður eldri ;) ég mundi bara vera glaður það eru örugglega margir sem geta ekki fengið krakkana til að bursta einu sinni á dag ;) heh