Áfram Eiríkur

Þetta var eiginlega engin keppni fannst mér. Eiríkur stendur hinum flytjendunum flestum þónokkuð framar og lagið var svo sem þokkalegt. Textinn fannst mér aftur á móti í slakara lagi þó hann væri ekki jafn slakur og hjá Birgittu um árið. Ég spái nefnilega aðeins í texta laganna sem ég hlusta á og leyfi mér því að hafa skoðanir á þeim málum þó enga sérfræðiþekkingu hafi.

En annars til hamingju þið sem standið að þessu lagi og gangi ykkur vel í Helsinki. Þó ég sé enginn aðdáandi þessarar keppni þá fylgist maður auðvitað með gangi mála. Ég er reyndar svona hliðaraðdáandi þannnig séð því konan mín  er æst í þetta.

Eiríkur Hauksson verður fulltrúi Íslands í Helsinki

Athugasemdir

[Vilhjálmur Ingi Vilhjálmsson (IP-tala skráð) 18.2.2007 kl. 22:04]

Innilega sammála, Eiríkur er án vafa landi og þjóð til sóma, mesti töffari í Evrópu. Ég bíð eftir grein um það hversu örvæntingar fullir samfylkingarmenn eru orðnir, að meira að seigja formaður flokksins leyfir sér að blóta Framsóknarflokknum fyrir framan myndavélar (fréttir stöðvar 2).

[Ragnar Bjarnason, 18.2.2007 kl. 22:50]

Já já, og fylgdi ekki með lítt dulbúin morðhótun til Framsóknarmanna að norðan??

[Rúnar Birgir Gíslason (IP-tala skráð) 20.2.2007 kl. 15:50]

Sæll frændi, gott hjá þér að setjast í bloggheima, þá getur maður fylgst með.

Heyrði viðtal við textahöfundinn á sunnudaginn þar sem hann sagði að textinn hafi upphaflega orðið til á ensku og því spurning hvort þessum íslenskta texta hafi verið hnoðað saman í fljótheitum til bráðabirgða.

Ég heyrði Eirík taka þetta á ensku í lokin á endurtekningunni í úrslitunum og þetta er allt annað lag á ensku, meira alvöru metal.

kveðja úr landi Þórhildar

Rúnar Birgir Gíslason