Algjør snilld

Áttum reyndar að vinna í venjulegum leiktíma en thad er bara sætara að hafa svo unnið í vítakeppninni. Algjør snilld að sjá viðtøl við JM eftir leik.

Frábært, svo er bara að fá Man. Utd. í úrslitum.

Gerrard: Ótrúlegt að hafa endurtekið leikinn

Ágætur leikur

Leikur kvöldsins í meistaradeildinni var ágæt skemmtun og fimm mörk í undanúrslitaleik er alls ekki svo slæmt. Gott fyrir Manchester að vinna en spurning hvort þetta sé nægt forskot sem og það að fá á sig tvö mörk á heimavelli sínum.

Annars held ég með Man. Utd. í þessari rimmu því ég vil alveg endilega sjá tvö ensk lið í úrslitum meistaradeildarinnar, þó ekki væri annað.

Ferguson: Gáfumst aldrei upp

Þolanleg úrslit fyrir Manchester

Ekkert svo slæm úrslit fyrir Man. U. miðað við aðstæður og frekar klaufalegan Scholes sem réttilega var sendur af velli.

Annars fannst mér framganga ítölsku lögreglumannanna á áhorfendapöllunum eiginlega vera fyrir neðan allar hellur. Allt of mikil harka af litlu sem engu tilefni og menn barðir miskunnarlaust með kylfum án þess að eiga sér viðreisnar von. Sorglegt að sjá myndir frá því.

Roma sigraði Manchester United 2:1

Hetjuleg barátta

En allt kom fyrir ekki. Spánverjar í raun mun betri allan leikinn eins og við mátti búast, og höfðu erindi sem erfiði á endanum. Hálf fúlt samt sem áður.

Helst að minnast lélegra aðstæðna og frábærs leiks Árna Gauts.

Spánverjar sigruðu Íslendinga 1:0

Nýr þjálfari hjá HK??

Er það rétt sem maður er að heyra að Erlingur Richards. sé að taka við HK liðinu á næstu leiktíð? Ef svo er þá er það mikill fengur fyrir HK því þar er á ferðinni ákaflega hæfur og metnaðarfullur þjálfari. Hann gerði góða hluti með ÍBV þann tíma sem hann var þar miðað við úr hverju var að spila og á það bæði við um karlaliðið og kvennaliðið.

Stjarnan heldur sínu striki

Haukar bikarmeistarar í kvennaflokki

Ágætur leikur hjá Haukum þó byrjunin hafi ekki verið neitt sérstök. Til hamingju Bryndís, hárbandið þitt var ekkert sérstakt.

Annars held ég ekkert með Haukum sko.

Haukar bikarmeistarar í kvennaflokki

Fyrir neðan allar hellur!

Það sem gerðist í leikslok í leik Valencia og Inter Milan er algjörlega fyrir neðan allar hellur og á ekki að sjást inni á knattspyrnuvelli eða nokkurs staðar ef út í það er farið. Þó svo að spenna ríki í leiknum og miklar tilfinningar séu hjá leikmönnum verða þeir að hafa siðferðilegan styrk og þroska til að hafa hemil á slíku. Svona framkoma er félögum þeirra til skammar og nú stendur upp á UEFA að taka almennilega á þessu.

Umræðan í a.m.k. enskum fjölmiðlum í gær var sú að Inter bæri þyngri sök en Valencia að því undanskildu að Navarro ætti sér engar málsbætur. Hann er ekki inná vellinum í leikslok og gerir sér langa ferð að hópnum inni á miðjum velli og slær þar leikmann, sem haldið er af öðrum til að róa hann niður, í andlitið þannig að af hlaust nefbrot.  Þrátt fyrir afsökunarbeiðni hans finnst mér að hann eigi að fá langt keppnisbann og þunga sekt.

Jamie Redknapp, sem var í stúdíói SKY í gær beindi sjónum manna að því að þetta gæti í raun verið endurspeglun á stöðu þeirri sem ítalski boltinn er í um þessar mundir og nú verði varla sokkið neðar hjá þeim. Get svo sem tekið undir það að vissu leyti og á þeim bænum verða menn að fara í algjöra endurskoðun á sínum málum. Þegar enskum félagsliðum var vísað úr Evrópukepnnum á sínum tíma tóku þeir sig á og færðu málin til betri vegar, slíkt verða Ítalir að gera einnig.

UEFA verður að taka hart á þessu og láta menn bera ábyrgð á sínum gjörðum og senda þar með skilaboð í knattspyrnuheiminn að svona háttalag verði ekki liðið.

En á léttari nótunum í lokin læt ég hér fylgja skýringu Robbie Earl á Barcelona eftir leik þeirra við Liverpool í gærkvöldi. "Barcelona are bad haircut team, something going forward but nothing at the back". Held að ég hafi heyrt rétt í honum og fannst þetta nokkuð sniðugt.

Valencia og Inter eiga yfir höfði sér þungar refsingar