Skoðanakannanir

Nú dynja á okkur skoðanakannanir í gríð og erg í aðdraganda Alþingiskosninga. Fyrst eru það þessar venjulegu kannanir um fylgi flokka og framboða en oftar en ekki er einnig spurt um ýmsa afleidda þætti með þegar fylgið er kannað. Niðurstöður þeirra spurninga koma síðan í kjölfar fylgisfréttanna og eru misgáfulegar finnst mér.

Nú er svo komið að það er eiginlega ekki orðinn friður fyrir fréttum af alls konar svona könnunum og menn hafa ekki undan við að rýna í þær og reyna að túlka hvað þær hafa fram að færa. Það liggur við að maður geti sagt um sumar þeirra að þær hafi í mesta lagi ekki neitt fram að færa.

Það er orðið of mikið af þessum könnunum og fréttum í framhaldi þeirra sem síðan kalla á ýmsar sérfræðilegar útskýringar að ég tali nú ekki um viðbrögð úr hverjum stjórnmálaflokki við þeim. Fjöldi þessara kannana er orðinn slíkur að ekki er tími fyrir alvöru umræðu um málefni þau sem flokkarnir hafa fram að færa. Aðalfréttirnar og kosningabaráttan er orðin sniðin að skoðanakönnunum þannig að þær stjórna öllu og menn og flokkar hafa ekki pláss, frið eða tíma til að koma á málefnalegri umræðu.

Fækkum skoðanakönnunum og gefum öðrum hlutum meira pláss.

Gaman á skíðum

Ætli þátttaka Jakobs Frímanns sýni það og sanni að hann fari fram fyrir Íslandshreyfinguna í þessu kjördæmi eins og maður hefur verið að heyra undanfarið?

Það væri það.

Kristján sigraði í skíðakeppni frambjóðenda

Göngutúr með Gretti

Hér kemur Grettir dagsins.

 

 

 

 

Svo óska ég eftir túlkunum á þennan hjá honum. Sjálfum dettur mér margt í hug. Njótið vel.

Kemur ekki á óvart

Útkoma Geirs í þessari könnun kemur í sjálfu sér ekki á óvart, hann er jú formaður stærsta stjórnmálaflokks landsins er það ekki?

Útkoma Ingibjargar Sólrúnar kemur mér aðeins á óvart verð ég að segja. Niðurstaða hennar er öllu neikvæðari en ég hefði haldið fyrirfram.

Annað er eins og maður hefði átt von á.

Ein spurning samt í lokin, vantaði ekki einn stjórnmálaleiðtoga þarna? Forsvarsmann framboðs aldraðra og öryrkja ásamt höfuðborgarsamtökunum.

Geir nýtur mestra vinsælda

Léleg fréttamennska

Mér finnst þetta eiginlega vera svolítið yfirborðskennd framsetning á efninu, svolítið slegið fram með sleggjulegum hætti. Af hverju kafar blaðamaðurinn ekki svolítið dýpra niður í efnið og kemur fram með kjarna málsins.

Auðvitað er þetta skrýtin spurning og örugglega fleiri sem voru með í þessu. En hver er síðan raunveruleg ástæða fyrir henni og hver er vinnslan í framhaldi spurningalistans innan bankans. Hvaða áhrif hefur þetta á bankastarfsemi í landinu og þar fram eftir götunum. Og í framhaldi þess kannski skoðuð skýrslan um bankastarfsemi á Íslandi í þessu samhengi sem gefin var út í fyrra að mig minnir.

Bara varð að setja fram annan vinkil á umræðuna en kominn er fram.

„Ertu hryðjuverkamaður?“

Eyhildur tilbúin að takast á við daginn

Hérna er hún Eyhildur tilbúin að takast á við daginn. Það getur verið erfið lífsbaráttan sko þegar þú ert ekki orðin eins árs og átt eldri systur.

Þannig að þá er bara um að gera að vera í stífum æfingabúðum hjá pabba sínum þegar sú eldri er í leikskólanum.Svo skemmir auðvitað ekki fyrir að geta haft gaman af öllu saman.

Hálf sérkennilegt

Það virðist vera það mynstur komið í þessar skoðanakannanir hjá Capacent-Gallup að fylgi Framsóknarflokks, Samfylkingar og Frjálslynda flokksins virðist vera nokkuð fast á svipuðu róli. Allir þessir flokkar eru þá neðar en þeir óska en kannski Frjálslyndir næst því sem þeir hafa haft. Fylgi Framsóknar og Samfylkingar er ekki ásættanlegt fyrir félagsmenn þeirra því miðað við þetta er um mikið fylgistap að ræða og tíminn styttist óðum fram að kosningum. Nú er haft eftir varaformanni Samfylkingarinnar að litlu framboðin séu einungis samansöfnun dauðra atkvæða og væntanlega er það gert í þeim tilgangi að ná þeim atkvæðum til sín. Ég held reyndar að það sé mikil einföldun á málunum.

Það sem er síðan sérkennilegt í þessu eru sveiflur Sjálfstæðisflokksins á milli vikna, svona upp og niður á víxl og síðan auðvitað hve hátt VG fór og að um sé að ræða tiltölulega jafnt og þétt sig niður á við síðan toppi var náð. Fylgishreyfingin seinustu vikurnar virðast því liggja í kringum VG og Sjálfstæðisflokk og það virðist vera þannig að ný framboð hafi lítil áhrif á Sjálfstæðisflokkinn en þeim mun meiri á fylgi VG.

Sjáum hvað setur á næstu vikum.

Sjálfstæðisflokkur með rúm 40% og VG með 21%

Grettir dagsins

Alltaf jafn naskur á hlutina hann Grettir kallinn.

Þetta kallar maður sálfræðilega nálgun á hagnýtan hátt.

Er Baugur að kaupa Glitni?

http://ruv.is/heim/frettir/frett/store64/item150003/

Ja, svona með Hannesi Smárasyni. Kannski oftúlka ég bara fréttina hjá RÚV.

Áhugavert

Við Íslendingar vekjum alltaf svo mikla eftirtekt, alveg langt umfram höfðatölu.

Fjallað um kosningarnar í Hafnarfirði í fjölda erlendra fjölmiðla