Krafa fólksins

Það er krafa fólksins í landinu, hins almenna kjósanda, að það verði endurnýjun í þingliði í komandi kosningum.

En það er næstum því pínlegt að fylgjast með því hve margir taka þetta til sín og demba inn í framboðsyfirlýsingar sínar þessa dagana.

Það gæti verið hætt við því í öllum framboðshamaganginum að hin stóra krafa fólksins gleymist. Nefnilega að verklagi í stjórnun landsins og almennum siðum þar verði breytt einnig.

Það er nefnilega ekki nóg að skipta út fólkinu, það þarf líka að hreinsa verklagið.