Er þetta nokkuð að fara fram hjá fólki?

Það er verið að ráða sveitarstjóra hjá Þingeyjarsveit. Allt í lagi, ég veit að það jafnast engan veginn á við borgarstjóraskipti í Reykjavík en þessir litlu mega nú ekki alveg gleymast.

Ganga á til samninga við Tryggva Harðarson og ef mér skjátlast ekki var hann á sínum tíma bæjarstjórí á Seyðisfirði og því hokinn reynslu eins og sagt er.

En er að bresta á flótti hjá starfsmönnum bankageirans? Ég tók nefnilega sérstaklega eftir að tveir af tólf umsækjendum um stöðuna eru úr þeim geira. Það hef ég ekki séð áður.

Annars líst mér ágætlega á þetta en um leið óska ég fráfarandi sveitarstjóra, Sigbirnni Gunnarssyni, velfarnaðar í sinni baráttu sem framundan er.