Sameining samþykkt

Sameining sveitarfélaganna Þingeyjarsveitar og Aðaldælahrepps, sem kosið var um í dag var samþykkt í báðum sveitarfélögunum.

Í Þingeyjarsveit kusu 446 af þeim 515 sem voru á kjörskrá. Sameininguna samþykktu 257 eða 57,6% en 184 höfnuðu sameiningunni sem eru 41,4% þeirra sem kusu í dag.

Í Aðaldælahreppi kusu 137 af 199 sem voru á kjörskrá. Af þeim samþykktu 94 sameiningartillöguna eða 68,6% en 40 höfnuðu henni sem eru 29,2%.

Afgerandi úrslit segir oddviti Þingeyjarsveitar, Erlingur Teitsson og er ánægður með úrslitin í dag. Þetta er spor fram veginn sem verður vonandi til góðs.

Kjörsókn var góð í Þingeyjarsveit eða 86,6% en slakari í Aðaldælahreppi eða 68,8%.

Þessi tvö sveitarfélög, sem saman eru með hátt í 1000 íbúa, munu því sameinast í sumar komandi en stefnt er að því að kjósa nýja sveitarstjórn sameinaðs sveitarfélags á fyrirhuguðum kjördegi til forsetakosninga verði af þeim í júní næstkomandi.

Meira síðar.

Athugasemdir

[Hallgrímur Óli Helgason, 26.4.2008 kl. 20:32]

Mér líst ágætlega á þessa sameiningu svona sem áhorfandi og gamall Aðaldælingur, en er ekki ánægður með þessa kosningu, hefði mátt vera meira afgerandi, greinilegt að það eru skiptar skoðanir um þessa sameiningu.

[Ragnar Bjarnason, 26.4.2008 kl. 20:49]

Sæll

Í sjálfu sér er þetta meira afgerandi í Þingeyjarsveit heldur en maður átti von á miðað við fyrri kosningu í nóvember. 60-40 núna er viðunandi miðað við landslagið sem að baki liggur og 70-30 í Aðaldal þar sem minni kjörsókn var núna en í haust, líklegast vegna þess að þar vildu menn fara beint í sameininguna án annarra kosninga er ágætlega afgerandi.

En líst vel á þetta eins og þér.