Tæplega boðlegt

Aukin íslensk dagskrárgerð er mér mjög að skapi. En ég vil helst að það sé eitthvað varið í hana þegar ráðist er þá vinnu.

Laugardagslögin er dæmi um metnaðarfullt verkefni, sem augljóslega hefur verið lagt mikið í. Vandamálið finnst mér hins vegar vera að útkoman í því verkefni er ekki í samræmi við það sem í er lagt.

Í kvöld keyrði svo um þverbak. Hundleiðinglegur þáttur sem hafði nákvæmlega ekkert erindi við mann, hvernig sem á það er litið. Alveg grátlegt að bjóða manni uppá þessa hörmung á góðu fjölskyldukvöldi.

Ég vona bara að ég sé einn af fáum sem finnst þetta því annars er RÚV á rangri leið.

Eiginlega ekki boðlegt.

Athugasemdir

[Sigríður Gunnarsdóttir, 16.2.2008 kl. 23:39]

Gæti ekki verið meira sammála.

[Vilborg Traustadóttir, 16.2.2008 kl. 23:47]

Slakur þáttur, þegar efnið er svo viðamikið gerir maður meiri kröfur...........