Mesti umhverfisvandi Íslands

Ég las í blaðagrein eftir Þorvald Gylfason fyrir nokkru (annað hvort í Fréttablaðinu eða Blaðinu) að mesti umhverfisvandi Íslands væri lausaganga búfjár.

Ég staldraði lengi við þessi orð hans og hugsaði svo með sjálfum mér að þá höfum við nú aldeilis verið að horfa í vitlausa átt undanfarin ár í þessum málum en svo leist mér betur á þá niðurstöðu mína að það væri nú aldeilis gott að Þorvaldur væri nú ekki umhverfisfræðingur.

Athugasemdir

[Arnfinnur Bragason, 5.6.2007 kl. 22:58]

Sjáðu til, hann Þorvaldur Gylfason var og er, að því ég best veit svo harður á móti Íslenskum landbúnaði að hann vill leggja hann niður og flytja inn allar landbúnaðarvörur. Minnir að hann hafi meira að segja verið búinn að reikna það út að það borgaði sig að borga öllum bændum og þeim sem af landbúnaði lifa, atvinnuleysisbætur. Hann gat að vísu ekki reiknað út hvað sálfræði og félagsþjónusta myndi kosta við þessar aðgerðir, enda bara hagfræðingur.......

[Ásdís Sigurðardóttir, 6.6.2007 kl. 12:12]

Ég sá nú nokkrar rolur á leiðinni norður í gær, en maður keyrir bara varlega, þetta er nú hluti af okkur, blessaðar skepnunar, en mikið voru sum lömbin lítil   verð í Þingeyjarsýslu á morgun.  kveðja

[Ragnar Bjarnason, 6.6.2007 kl. 22:12]

Já þetta er alveg rétt hjá þér Arnfinnur með  hann Þorvald og eins góður punktur í síðustu setningunni.

Það er nefnilega málið Ásdís að keyra bara með fullum skilningarvitum og á réttum hraða. Og vertu hjartanlega velkomin í Þingeyjarsýsluna, þú færð alveg ágætis veður næstu daga.