Má segja þetta í dag?

Eða er ég bara tepra? Ég var að hlusta á hálf tólf íþróttafréttirnar í morgun og heyrði þar í Geir Magnússyni spjalla við þjálfara karlaliðs ÍR í körfuknattleik. Meðal annars sem fór þeim í milli voru spádómar um hvernig rimmur í 8 liða úrslitum gætu farið. Þegar þeir voru búnir að spá í 2 viðureignir varð Geir svo að orði "það er náttúrulega ekki fyrir hvítan mann að spá í þessar tvær viðureignir".

Ég hélt að svona orðalag væri orðið frekar óæskilegt í daglegri notkun, sérstaklega í útvarpi allra landsmanna. Þetta væri svona í anda þess að það þurfti að endurskýra ævintýrið um Mjallhvíti sem "Mjallhvít og vaxtarheftu mennirnir sjö" og þar fram eftir götunum.

Ég veit það ekki.

Athugasemdir

[Gunna (IP-tala skráð) 9.3.2007 kl. 20:00]

Er þetta ekki líka spurning um hvernig þeir sem á hlýða túlka hlutina...

[Ragnar Bjarnason, 9.3.2007 kl. 21:11]

Já eða sjá myndirnar á auglýsingabæklingunum