Vatnajökulsþjóðgarður

Verkefnið um stofnun Vatnajökulsþjóðgarð er gríðarlega metnaðarfullt að mínu mati. Þar er verið að taka heildstætt á stóru landsvæði með markmið varðveislu í huga. Það hlýtur því að vera ljóst að allar ákvarðanir um vegi á svæðinu, gerð þeirra þar á meðal, verður að falla að heildarmynd þjóðgarðsins. Ég trúi ekki öðru en að svo verði gert og á þann hátt unnið eftir þeirri sýn, sem þjóðgarðurinn grundvallast á.

Vatnajökulsþjóðgarður verður síðan að standa undir nafni þegar á fót er kominn og því verða menn að gera sér grein fyrir því strax í byrjun að til að gera þetta almennilega þarf að vera til staðar fjármagn. Það kostar nefnilega alveg helling að halda þessu batteríi gangandi þegar þetta verður að veruleika.

í Framhaldi þess er ekki úr vegi að menn fari að velta fyrir sér í alvörunni hvort hluta þess fjármagns eigi að afla með gjaldtöku af ferðamönnum og þá hvernig skuli staðið að henni. Það á einnig við um aðra ferðamannastaði á landinu.

Vegir raski ekki landslagi í Vatnajökulsþjóðgarði

Athugasemdir

[Ásthildur Cesil Þórðardóttir, 26.2.2007 kl. 10:56]

Hvernig ætli þetta sé annarsstaðar.  Það er góð spurning hvernig eigi að standa að þessu.  Ég hef flakkað um Mexícó, og þar þurfti maður að borga til að fara inn á verndarsvæði indíjána, og pýramídana.  En það hlýtur að fara að verða spurning um gjaldtöku eða einhverskonar takmörkun á helstu svæðum í okkar viðkvæma landi.  Þessi umræða er í gangi varðandi Hornstrandir til dæmis, þar sem ferðamannastraumur hefur margfaldast á þeim slóðum undanfarin ár.