Mikið til í þessu

Það er heilmikið til í þessu hjá Elíasi. Ef landslag stjórnmálanna breytist í þessa átt í kosningunum í vor þá geta minnstu flokkarnir haft mikið vægi ef þannig verkast. Flokkur með þrjá til fimm þingmenn getur haft meira vald eða vægi en það í viðræðum við aðra fokka um stjórnarmyndun.

Fimm prósenta markið er svo enn og aftur það sem allt miðast við hjá þeim minnstu uppá jöfnunarþingmenn að gera og getur þar skilið á milli feigs og ófeigs.

Vægi minnstu flokkanna að aukast

Nei er það?

Við fyrstu sýn get ég ekki alveg séð að þarna sé um að ræða her en kannski er eitthvað í þessu sem ég hef ekki áttað mig á.

Annars hélt ég að Sjálfstæðisflokkurinn væri ekkert mikið í því að leggja fram kosningamál, menn eigi bara að kjósa hann af því að hann sé aðalflokkurinn

Tindátaleikur fyrir fullorðna segir Össur Skarphéðinsson

Geimferðir

Jæja, þá er skattskýrslan frá, kláraði hana í gærkvöldi og skilaði. Grandskoðaði auðvitað allar upplýsingar hjá skattinum því ég get verið svo fróðleiksfús stundum að það jaðrar við klikkun held ég. En komst samt að því að það er hægt að skrá starfsemi hjá sér í sjálfstæðum atvinnurekstri við geimferðir. Vissi ekki til að það væru margir Íslendingar í þeim bissness en kannski var þetta bara sérstaklega sett inn fyrir hann Bjarna geimfara þannig að með þessu komst ég þá að því að hann telur fram á Íslandi en ekki í Kanada.

Mér fannst þetta verulega sniðugt annars, þó ég hafi ákveðið að skrá ekki mína atvinnustarfsemi sem geimferðir.

Er minnið að svíkja mig?

Var ekki búið að halda eina svona hönnunarkeppni fyrir ekki svo löngu síðan?

Hugmyndasamkeppni um skipulag Vatnsmýrar hafin

Frábært

Ég verð að lýsa yfir ánægju minni með þetta framtak. Vel að verki staðið hjá þeim stöllum. Ég hef áður fjallað um hve mikilvægt það er að þeir aðilar sem til þess hafa styrk skili til samfélagsins einhverju á þennan hátt.

Þetta gæti verið framlag um eða yfir 100 milljónir myndi maður halda.

Vel gert.

Færa íbúum Hofsóss og nágrennis sundlaug

Þar kom að því

Flott. Því fleiri því betra er það ekki.

Ný stjórnmálasamtök stofnuð í dag

Hetjuleg barátta

En allt kom fyrir ekki. Spánverjar í raun mun betri allan leikinn eins og við mátti búast, og höfðu erindi sem erfiði á endanum. Hálf fúlt samt sem áður.

Helst að minnast lélegra aðstæðna og frábærs leiks Árna Gauts.

Spánverjar sigruðu Íslendinga 1:0

Allt að fara af stað?

Kannski er bara kosningabaráttan byrjuð fyrir alvöru með þessum fundi og kosningasjónvarpi Stöðvar 2. Ég þarf þá bara að éta ofan í mig pistilinn hér á undan varðandi að hlutirnir byrjuðu ekki fyrir alvöru fyrr en eftir helgina.

Það held ég.

Fulltrúar flokkanna gera grein fyrir afstöðu til umhverfismála

Kosningabaráttan að hefjast

Frekar rólegt hefur verið á vettvangi stjórnmálanna í vikunni finnst mér fyrir utan kannski frétta af fundum þeirra Geirs og Steingríms og af nýju barmmerki UVG. Reyndar er Samfylkingin jú farin að birta dagblaðaauglýsingar. Ég hélt satt best að segja að kosningabaráttan myndi vera farin í gang af meiri krafti en raunin er en þegar ég skoða það held ég að ekki verði um það að ræða fyrr en eftir helgi.

Helst tel ég þar tvennt koma til. Annars vegar var verið að vinna að samkomulagi flokkanna um hámarkskostnað við birtingu auglýsinga og hins vegar tel ég að kosningar um deiliskipulag fyrir stækkað álver í Hafnarfirði tefji upphaf eiginlegrar kosningabaráttu.

Þá eru ekki nema sex vikur til stefnu fram að Alþingiskosningunum og margt á sjálfsagt eftir að ganga á þann stutta tíma og jafnvel einhverjar sveiflur eftir að líta dagsins ljós. Spennandi vikur fram undan held ég því mér finnst þetta skemmtilegt. Svo er bara að sjá hvaða stefnu baráttan tekur. Ég sá ekki betur en í leiðara Fréttablaðsins í dag væri verið að biðla um að skattamál yrðu aðal kosningamálið. Kannski svo verði en ómögulegt að segja til um það á þessu stigi held ég.

Loksins

Ánægjulegt að þetta mál er leyst þó svo að það eigi eftir að ná skipinu í burtu.

Annars er það auðvitað ekki hægt finnst mér að það þurfi að semja um þetta. Sá sem á skipið og ber þannig ábyrgð á því að það er þarna á að sjá um að koma því í burtu. Ef ég keyri á bílnum mínum inn í garð hjá þér þá semjum við ekki um það hvernig hann verður fjarlægður og hver á að borga þá gjörð.

Samkomulag um að fjarlægja Wilson Muuga