Æ æ

Einhvernveginn líst mér ekkert á þessa ráðningu. Guðmundur er búinn að reyna sig með landsliðið og sú reynsla var svona upp og ofan.

Helst lítur þetta út fyrir að vera björgunaraðgerð af hálfu HSÍ og maður reiknar ekki með mikið bættum árangri í kjölfarið.

Ég held svei mér þá að maður hefði frekar viljað sjá Sigga Sveins með liðið.

Guðmundur ráðinn þjálfari

Athugasemdir

[Jón Garðar (IP-tala skráð) 25.2.2008 kl. 14:09]

Segðu bara eins og er: Guðmundur komst ekki rassgat með liðið á sínum tíma og þessi ráðning hans nú er gersamlega út í hött. Ég vorkenni strákunum!

[Rúnar Birgir Gíslason, 25.2.2008 kl. 14:43]

Er ekki aðalstyrktaraðili HSÍ bara að redda þeim yfir þessar keppnir sem enginn leggur í? Vondur tími að leita að þjálfara núna, verður auðveldara í sumar.

Annars er mér slétt sama um þetta

[Stefán Jónsson, 25.2.2008 kl. 17:14]

Ég er nú þeirrar skoðunar að Guðmundur sé besti þjálfarinn á landinu.
Hann náði líka næst besta árangri sem náðst hefur með íslenska landsliðið, þegar hann stýrði því í 4. sæti á EM 2002.

Ég get hins vegar tekið undir það að ráðningin ber keim af björgunaraðgerð hjá HSÍ og ég endurtek það sem ég hef sagt áður (og liggur í augum uppi) að við náum engum árangri nema hafa landsliðsþjálfara í fullri stöðu.
Helst hefði ég viljað fá útlending í starfið.
Sigga Sveins væri ég til í að sjá eftir nokkur ár.