Peningum kastað á glæ

"Virkjum alla - rafrænt samfélag" er sjálfsagt eitthvað sem er öllum fallið í gleymskunnar dá. Samt var kastað í þetta verkefni ótæpilegum fjármunum, bæði af ríki og þeim sveitarfélögum sem voru svo "heppin" að veljast til þátttöku í verkefninu.

Síðustu fréttir af verkefninu eru síðan í febrúar 2007.

Hefði ekki verið nær að ganga frekar fyrst í það verkefni að allir íbúar hefðu þó aðstæður til að taka þátt í svona löguðu með því að hafa boðleg tenginamál við netið í lagi?

Og sveitarfélagið sem ætlaði að "virkja alla" dregst bara afturúr. Fundargerðir sveitarstjórnar voru þó yfirleitt komnar á netið samdægurs hér fyrr í ár. Nú er því ekki að heilsa heldur þarf að bíða dögum saman eftir þeim.

Mér er nær að kalla þetta falda stjórnsýslu frekar en opna stjórnsýslu sem þó ætti að vera markmiðið í nútíma samtíma þjóðfélagi.

Þar fyrir utna finnst mér að fundir sveitarstjórnar eigi að vera opnir öllum til að fylgjast með, í orði en ekki bara á borði. Því finnst mér að Þingeyjarsveit eigi að senda fundi sína beint út á netinu, það er fyrsta skrefið í opinni stjórnsýslu og einnig fyrsta alvöru skrefið að rafrænu samfélagi.

Heimasíða Þingeyjarsveitar er annars hvorki fugl né fiskur. Fjórar fréttir í september og mjög mikið magn upplýsinga sem eru óuppfærðar og úr sér gengnar.

Svo mikið fyrir framsýni í upplýsingatækni.

Athugasemdir

[Bjarni Harðarson, 20.9.2008 kl. 15:38]

gæti ekki verið meira sammála. hér í árnesþingi tóku þrjú sveitarfélög þátt í þessu undir verkefnisheitinu sunnan 3 en nú er lítið um það verkefni talað og nýjasta fréttin á heimasíðu verkefnisins er sögð frá 30. júní síðastliðnum en samt er örugglega ekki verið að tala um 30. júní 2008, frekar 2006 eða 2005!! kveðja -b.

[Þórir Aðalsteinsson, 20.9.2008 kl. 17:00]

Góður punktur Ragnar.  Getur verið að þessu fé hafi verið ráðstafað að mestu í "sérfræðingana að sunnan".  Þar á ég við ráðgjafafyrirtækin.  Ég sé ekkki mikil ummerki þessara skattpeninga hjá okkur hérna fyrir norðan.

[Ellý Ben (IP-tala skráð) 20.9.2008 kl. 20:22]

Ég gæti ekki verið meira sammála. Svei mér ef nýji sveitastjórinn verður bara ekki enn seinni að tileinka sér nokkuð sem heitir internet en Sigbjörn og þá er nú fokið í flest skjól. Kanski verður bara gamla góða ritvélin endurvakin og þá geta minnsta kosti sumir sparað.....

[Valgerður Sigurðardóttir, 22.9.2008 kl. 11:57]

Rakst á nýja síðu frá Tjörneshreppi sem er ein sú flottasta sem ég hef séð. www.tjorneshreppur.is