Skammt stórra högga á milli

Nú er skammt stórra högga á milli hjá Birkifellsfjölskyldunni. Eftir stækkun fjölskyldunnar skal haldið til Danaveldis til tímabundinnar dvalar (eitt ár). Þetta er búið að vera í bígerð en hefur haft sínar sveigjur og beygjur eins og svo margt annað.

Við erum sem sagt að flytja til Danmerkur eftir hálfan mánuð en búslóðin fer af stað nú á eftir, þar með talin tölvubúnaður þannig að stopult verður skrifað hér næstu tvær vikur.

Síðan verður tekið til af krafti þegar til Danaveldis kemur og skrifað og skrafað um stjórnmál, amerísk og dönsk en ætli maður dragi sig ekki til hlés í þeim íslensku að sinni.

Snáðinn verður síðan skírður þann 13. júní næstkomandi í Þorgeirskirkju, svona rétt í tíma áður en út er farið.

Það held ég.

Athugasemdir

[Birna (IP-tala skráð) 7.6.2008 kl. 11:00]

Kæra fjölskylda, við eigum eftir að sakna ykkar, en óskum ykkur alls hins besta og byrjum bara að telja niður dagana þar til þið komið í nágrennið aftur.

kveðja Birna og co Laugabrekku

[Vilborg Traustadóttir, 7.6.2008 kl. 16:19]

Góða ferð og ég bið að heilsa Viggo Mortensen!!;-)

[Skákfélagið Goðinn, 7.6.2008 kl. 16:39]

Vegni ykkur vel í Danaveldi. Fjölskyldan Lyngbrekku.

[Jóhanna Elín (IP-tala skráð) 8.6.2008 kl. 22:06]

Gullfalleg börn, alveg eins og þið. Sendi ykkur lukku. Góða ferð til Danmerkur og njótið þess tíma vel og vandlega. Ég sjálf sný aftur heim í mitt ágúst, mun búa á akureyri yfir vetramánuðina og ein hugmynd mín er að skella mér í meira nám erlendis haustið 2009 en það er þó langt í þann tíma og margt getur breyst á þessum tíma. Hafið það sem allra best.

 Bestu kveðjur úr Keflavík.

jóhanna 

[Kristín Katla Árnadóttir, 11.6.2008 kl. 16:26]

Góða ferð til Danmörku.

[Petra (IP-tala skráð) 11.6.2008 kl. 21:24]

Góða ferð til Danmörku og njótið vel í útlandinu

Kveðja Petra